人地話選港姐可以飛上枝頭變鳳凰，14年同15年港姐季軍何艷娟同郭嘉文就係兩個勵志例子。阿娟上年嫁比身家傳有30億嘅67歲澳博高層，而郭嘉文就喺16年被揭同52歲嘅李澤楷拍拖，日前仲喺活動高調合照曬愛，又大方又 sweet！
不過兩個鳳凰之路有啲唔同。今日阿娟宣布同67歲老公離婚，娟話：「在和平和友好的情況下，我們決定分開了。並說好了大家再見亦是好朋友，並且彼此多謝大家和互相祝福。」佢地年齡差480個月，雖然婚姻只維持8個月，但無阻佢地對彼此之間嘅愛、關心同友情。有人睇到新聞後，只係關心阿娟會唔會半注獨得身家，但我睇到嘅就係愛與和平咁分手，果然係成熟嘅表現，係度祝福艷娟！